TRIADAS DO VENTO NO MAR
Verde vento polas leiras
e vento azul polo mar,
panos da mesma bandeira.
Quen fora vento, meu mar
e sobre o teu lombo brando
puidera o corpo deitar!
Quen fora o vento poboado
de polen e de cantigas
e malvises namorados!
Quen fora o vento que rube
a refrescar as estrelas
despois de folgar coa nube!
Quen fora xinete alado
de ardor e de vidro feito
sobre das olas montado!
Valentín Paz Andrade
Un día axeitado para publicar este poema.
ResponderEliminarquen fora...[espazo en branco]
de onde é a foto?
de Fisterra
EliminarQuen fora quén de expresar con tan nidia claridade!!!
ResponderEliminarBicos con lingua (galega!)
Outra ventá co "teu mirar".
ResponderEliminarAgradéceseee